واشنگٹن (این این آئی )امریکی صدر ڈونلڈ ٹرمپ کے کرپٹو کرنسیوں کے قومی ذخائر بنانے کے منصوبے کے اعلان کے بعد ماہرین کی جانب سے بٹ کوائن کی قیمتوں میں اضافے کی پیشگوئی کی گئی، لیک یہ پیشگوئی اس وقت غلط ثابت ہوئی جب مارکیٹ میں محتاط رویہ اپنایا گیا اور بٹ کوائن کی قیمت بتدائی اضافے کے بعد نیچے آگئی۔
میڈیارپورٹس کے مطابق ٹرمپ نے اعلان کیا تھا کہ ان کے جنوری میں جاری کردہ ایگزیکٹو آرڈر کے تحت بٹ کوائن، ایتھریم، ایکس آر پی، سولانا اور کارڈانو سمیت مختلف ڈیجیٹل کرنسیوں کا قومی ذخیرہ بنایا جائے گا۔ یہ کرپٹو کرنسیاں پہلے کسی سرکاری بیان میں شامل نہیں کی گئی تھیں۔
