خالق نگر(این این آئی) یوٹیلٹی سٹورکاہنہ میںکرپشن کا انکشاف،اشیاء خوردونوش مبینہ طورپردکانداروں کو بیچی جانے لگیں،عوام کو آٹا،چینی،گھی ودیگراشیاء ضروریہ کی قلت کا کہہ کرٹرخا دیا جاتا ہے،باخبرزرائع کے مطابق کاہنہ یوٹیلٹی سٹورکا عملہ انچارج سمیت اس
گھنائونے کام میں ملوث ہے،جو یوٹیلٹی سٹورپرلائی گئی اشیاء کودکانداروں کو بیچ کر لمبی دیہاڑیاں لگارہا ہے،یوٹیلٹی سٹورکاہنہ میںسفارشیوں کو نوازاجانے لگا، مردوخواتین گھنٹوں لائنوں میںلگنے پر مجبور،شریف شہریوں سے لڑائی جھگڑا ،تلخ کلامی معمول بن گیا، کاہنہ میںیوٹیلٹی سٹورانچارج نے خود غرضی کی انتہا کردی صرف سفارشیوں کی بات سننا اور ماننا انکا وطیرہ ہے غریب شہری پریشان کوئی پوچھنے والا نہیں ،کاہنہ کی غریب عوام رل گئی، کاہنہ میں واقع یوٹیلٹی سٹورپر سستی اشیا خوردونوش چینی،آٹا،گھی اور دالوں کے حصول کیلئے مردوخواتین لمبی قطاروں میں گھنٹوں انتظار کرنے پر مجبور ہیں ،کاہنہ یوٹیلٹی سٹورکا عملہ مبینہ طورپرآٹا،گھی ،چینی عوام کی بجائے باہرکے سٹورمالکان کو بیچنے لگا،کاہنہ وگردونواح کی عوام سستی اشیا خوردونوش کے حصول کیلئے خوار ہو گئے یوٹیلیٹی سٹورکاہنہ کے باہر مردوخواتین گھنٹوں انتظار کرتے رہتے ہیں،لیکن ان کو چینی،آٹا،گھی سمیت دیگراشیاء ضروریہ نہ ہونے کا بہانہ بنا کر واپس بھیج دیا جاتا ہے،وہی چیزیں باہرکے سٹورمالکان کو مبینہ طورپربیچ دی جاتی ہیں۔
