لاہور(این این آئی ) ڈائریکٹر ایکسائز قمر الحسن نے کہاہے کہ نادرا کے اشتراک سے ایکسائز ملازمین کی ٹریننگ کا آغاز کردیاگیا ہے ۔ رواں ماہ کے اختتام پر بائیو میٹرک رجسٹریشن اورٹرانسفر کا آغاز کیا جائے گا۔گفتگو کرتے ہوئے ڈائریکٹر ایکسائز قمر الحسن نے کہا کہ لاہور اورپنجاب کے ملازمین کی تربیت کا مقصد نئے سسٹم کا بہتر استعمال ہے ۔ پنجاب بھر میں7لاکھ سے زائد گاڑیاں اوپن لیٹر چل رہی ہیں ، نئے نظام کے بعد مالکان کے انگوٹھوں کی تصدیق کے بغیر گاڑیاں ٹرانسفر نہیں ہوسکیں گی ۔ صوبہ بھر میں ٹریننگ راوں ہفتے مکمل کرلی جائے گی ۔