مکوآنہ (این این آئی )فیصل آباد میں چینی کی شارٹیج برقرار،چینی کی بوری کا ریٹ 8000 روپے پر پہنچ گیا،شہر کی مختلف مارکیٹس میں چینی 160 روپے کلو تک فروخت ہونے لگی۔تفصیلات کے مطابق چینی کی بوری کی قیمت میں اضافہ ہونے سے دوکانداروں کو چینی 160 روپے فی کلو پڑ رہی ہے۔

صارفین کا کہنا ہے کہ مارکیٹ میں چینی دستیاب نہیں صرف سفارش پر چینی مل رہی ہے۔ حکومت اشیائیہ ضروریہ کی قیمتیں برقرار رکھنے میں ناکام ہوچکی ہے۔ مل مالکان کو سبسڈی فراہم کرکے چینی کے ریٹ میں کمی لائی جاسکتی ہے۔دوکانداروں کا کہنا ہے کہ مہنگائی نے غریب آدمی کیکچن کا خرچ بڑھا دیا ہے۔