واشنگٹن ( آن لائن )کورونا وائرس کی وجہ سے سفری پابندوں کے باعث کھڑے نجی طیاروں پر دھول جمنے لگی۔غیر ملکی خبر رساں ایجنسی کے مطابق کورونا وائرس نے ہوا بازی کی صنعت کو بھی بری طرح سے متاثر کیا ہے اور اربوں ڈالر کے جہازوں کو کھڑا کر دیا گیا ہے۔

جن پر دھول جم رہی ہے۔کورونا کی وجہ سے امریکہ کی نجی کمپنیوں کے طیارے بھی ائرفیلڈ میں کھڑے ہیں۔ کھڑے ہوئے سینکڑوں طیاروں کی فضائی تصاویر لی گئیں۔ جن میں فوجی طیارے بھی شامل ہیں۔گزشتہ سال ایک ارب 80 کروڑ مسافروں نے ان طیاروں پر سفر کیا جبکہ کورونا سے قبل تقریباً ساڑھے 4 ارب افراد نے ان طیاروں پر سفر کیا تھا۔اس وبائی مرض نے بڑی تعداد میں تجارتی ہوائی کمپنیوں کو اپنے فضائی بیڑے دور دراز، بنجر صحراؤں میں کھڑے کرنے پر مجبور کر دیا ہے۔