کراچی(این این آئی)بینکوں کے ذریعے رواں سال زکوةوصولی میں نمایاں کمی آئی جس کے باعث زکوة کے مستحقین کوبھی مشکلات کا شکار ہونے کا خدشہ ہے۔تفصیلات کے مطابق ملک میں معاشی بدحالی کے باعث بینکوں کے ذریعے رواں سال زکوة وصولی میں نمایاں کمی دیکھنے میں آئی۔
جس کی وجہ سے لاکھوں زکوة کے مستحقین کو بھی مشکلات کا شکارہونے کا خدشہ ہے تاہم مجموعی طورپرملک بھرسے زکوةوصولی میں کمی کے سبب صوبوں کا شیئرکم ہوگیا ہے۔دستاویزکے مطابق وفاقی حکومت نے سندھ کو 23.71 فیصد کی شرح سے زکو ة فنڈ منتقل کیا ، رواں سال سندھ کوزکو ة کی مد میں ایک ارب 74 کروڑ84 لاکھ روپے موصول ہوئے جبکہ گزشتہ سال سندھ کووفاق سے زکوةفنڈ کی مد میں دو ارب روپے سے زائد رقم ملی تھی۔محکمہ زکوة سندھ کا مستحقین کی امداد کے لئے سالانہ بجٹ ڈھائی ارب روپے ہے، سندھ میں ایک لاکھ رجسٹرڈ مستحقین زکوةکو گزارہ الائونس کی مد میں تقریبا ڈیڑھ ارب روپے تقسیم کئے جاتے ہیں۔
