اسلام آباد (این این آئی)پاکستان کا دوست ملک چین سے 102ٹن امدادی سامان ایک اور کھیپ اسلام آباد پہنچ گئی ۔ میڈیا سے گفتگو کرتے ہوئے چیئرمین این ڈی ایم اے لیفٹیننٹ جنرل محمدافضل نے بتایاکہ چین سے102 ٹن امدادی سامان کی ایک اورکھیپ اسلام آباد پہنچ گئی ۔
انہوںنے بتایاکہ ڈیڑھ لاکھ این95اور15لاکھ طبی ماسک، ڈیڑھ لاکھ حفاظتی عینکیں اور ڈیڑھ لاکھ سرجیکل گاؤن سامان میں موجود ہے ،چیئرمین این ڈی ایم اے لیفٹیننٹ جنرل محمد افضل ایئرپورٹ پر چینی سفیر سے سامان وصول کیا ۔ انہوںنے کہاکہ حکومت اورعوام کی طرف سے چین کے شکرگزارہیں۔ انہوںنے کہاکہ چین کے پاکستان کے ساتھ تعاون اوراقدامات کوسراہتے ہیں۔ انہوںنے کہاکہ صوبے جتنے بھی ٹیسٹ کرنا چاہیں، سامان مہیا کریں گے۔ چیئر مین این ڈی ایم اے نے بتایاکہ صوبوں کو250وینٹی لیٹرزدے چکے ہیں،600کے قریب وینٹی لیٹرزابھی ہمارے ویئرہاؤس میں موجودہیں۔ چیئر مین این ڈی ایم اے کے مطابق این ڈی ایم اے جلد 2 ہزاراکسیجن بیڈ تیارکروا رہا ہے ۔ انہوںنے بتایاکہ لاہور کے ہسپتالوں کا دورہ کر کے خود صورتحال کاجائزہ لیا۔ انہوںنے بتایاکہ پشاوراور کراچی کابھی دورہ کر کے ضروریات کا جائزہ لیا جائے گا۔
