کراچی(این این آئی) پاکستان اسٹیل مل سے کروڑوں کی چوری ناکام بنادی گئی، بغیرگیٹ پاس کے مال کو اسٹیل مل سی بی اسٹورگیٹ نمبر 5 سے لے جایا جارہا تھا۔تفصیلات کے مطابق سیکیورٹی انچارج نے بغیر گیٹ پاس کے مال لے جانے کی چوری ناکام بنا دی، مال چوری کرنے والوں نے سیکیورٹی گارڈ کو 10لاکھ رشوت کی پیشکش بھی کی۔گاڑی ٹی کے ایم 442پر اسکریپ کو بل
پلیٹ لوڈ کیا گیا تھا، چوری کرنے والیکرین آپریٹر بھی ساتھ لے کر آئے تھے۔ سیکیورٹی افسر کا کہنا ہے کہ چوری میں ملوث افراد کو چھوڑنے کے لیے مجھ پر دبا ئوڈالا گیا۔انہوں نے کہا کہ انکار کرنے پر مذاکورہ افراد نے مجھ پر تشدد کیا، چوری شدہ مال اور ملزمان کو پکڑ کر پولیس کے حوالے کردیا ہے۔ سیکیورٹی افسر نے چوروں کے خلاف ایف آئی آر کے لیے تھانے میں درخواست جمع کرادی۔
