لاہور(این این آئی) چیئرمین فیڈرل بورڈ آف ریونیوشبرزیدی نے کہاہے کہ گزشتہ چھ ماہ کے دوران 2ہزار80ارب روپے کی ٹیکس وصولی کی گئی،پانچ برآمدی شعبوں سے بھی تقریباً71ارب روپے وصول ہوئے ہیں،شناختی کارڈ کی شرط31 جنوری کے بعد نافذ العمل ہوگی۔ایک انٹر ویو میں انہوں نے کہا کہ موجودہ حکومت نے محصولات کے نئے ہدف مقررکئے ہیں،جیولری کی صنعت کو بھی دستاویزی شکل دینے کاطریق کاروضع کیاجائے گا۔ایک سوال کے جواب میں انہوں نے کہاکہ حکومت ریستورانوں پرسیلز ٹیکس کانظام متعاف کرائے گی جو صارفین سے 16فیصد ٹیکس وصول کررہے ہیں

لیکن وہ سرکاری خزانے میں ٹیکس جمع نہیں کراتے،لوگ بل کی ادائیگی سے پہلے اس پر سیلز ٹیکس نمبر ضرور دیکھیں، ریسٹورنٹس میں پوائنٹ آف سیلز سسٹم لگا رہے ہیں، رسید پر سیلز ٹیکس نمبر نہ ہو تو سیلز ٹیکس ادا نہ کریں۔ایک اورسوال پرشبرزیدی نے کہاکہ رئیل اسٹیٹ کے کاروبارکے بعض حصوں میں گنجائش موجودہے جہاں جانچ پڑتال کاموثرنظام درکار ہے۔یہاں ایویلیوایشن ابھی کم ہے،ایویلیوایشن کے عمل کو بہتر بنانے کی کوشش کر رہے ہیں۔ہر ٹرانزیکشن کو مارکیٹ ویلیو کے 85 فیصد تک لے کر جائیں گے۔ شادی بیاہ سے جڑے کاروبار کو بھی دستاویزی بنائیں گے۔

موضوعات:شبرزیدی