لاہور( این این آئی)چیئرمین لاہور ٹائون شپ انڈسٹریز ایسوسی ایشن میاں خرم الیاس نے کہا ہے کہ سی پیک معاشی و صنعتی ترقی کا بڑا ذریعہ ہے اس منصوبہ پر امریکی تنقید غیر ضروری ہے چین، امریکہ تجارتی تنازعہ پر سی پیک پر امریکی بیانات بلاجواز ہیں،پاکستان چین اقتصادی راہداری منصوبہ ملک میں غیر ملکی سرمایہ کاری ، اسٹریٹجکمعاشی ترقی ،نقل و حمل کے رابطے وسیع کرکے ملک میں تجارت کے راستے کھول دے گا ۔وفد سے گفتگو کرتے ہوئے انہوں نے کہا کہ سی پیک کے دوسرے مرحلے سے صنعتی ترقی کا خواب شرمندہ تعبیر ہوگا۔

پاکستانی معیشت کی دوبارہ بحالی کے ساتھ سی پیک کے دوسرے مرحلے نے پاکستان کو 12ویں پانچ سالہ منصوبے2018-23کی کامیابیاں سمیٹنے کی مضبوط پوزیشن میں کردیا ہے پہلے سے دوسرے مرحلے کی طرف سی پیک کا سفرجاری ہے اور اس سے پاکستان کو قومی اہداف اور بین الاقوامی مقاصد حاصل کرے گا سی پیک روٹس پر خصوصی اقتصادی زونز میں غیر ملکی سرمایہ کاری میں اضافہ سے نئی انڈسٹریز کے قیام سے ملکی پیداوار اور ملکی برآمدات میں اضافہ سے ملک معاشی طور پر مستحکم اور زرمبادلہ کے ذخائر میں اضافہ سے ملک خوشحالی و ترقی کی راہوں پر گامزن ہوگا۔