لندن (این این آئی)ورلڈ بینک نے عالمی معیشت پر اپنی رپورٹ میں بتایا ہے کہ پاکستانی معیشت کے ترقی کرنے کی رفتار پانچ اعشاریہ پانچ فیصد رہنے کی توقع ظاہر کی ہے جبکہ عالمی معاشی نمو 3اعشاریہ1 فیصد رہے گی۔
ورلڈ بینک نے عالمی معیشت پر رپورٹ جاری کردی ہے جس کے مطابق عالمی معیشت ترقی کی شاہراہ پرہے ٗپاکستانی معیشت بھی ترقی کا سفر جاری رکھے گی ٗ2008 کے مالیاتی بحران کے بعد یہ اپنی پوری صلاحیت سے آگے بڑھ رہی ہے لیکن نمو کا دورانیہ قلیل ہے، جو معیار زندگی بہتر بنانے اور غربت ختم کرنے کی کامیا بیوں پر قدغن ہے ٗ بینک البتہ صورتحال پر ضرورت سے زیادہ پرامید ہیں۔رپورٹ میں پاکستان معیشت پر تبصرے کے مطابق رواں مالی سال کے ابتدائی 6 مہینوں میں معاشی اور کاروباری سرگرمیاں بڑھیں ہیں ٗ سرمایہ کاری بڑھ رہے اور بینکوں کی قرض گیری بڑھی ہے ٗ کنسٹرکشن اور خدمات کے شعبے پر مارکیٹ توجہ کررہی ہے ٗجاری خسارے کی وجہ کمزور برآمدات اور تیزی سے بڑھتی درآمدات ہیں۔دوسری طرف حکومت کی آمدنی کم ہے ٗسال کا بجٹ خسارہ، سال کے تخمینے سے زائد رہے گا کیونکہ آمدنی کے ذرائع کمزور ہیں اور الیکشن کا سال بھی۔رپورٹ میں کہا کہ مون سون کا موسم معمول پر آگیا ہے جس نے زرعی شعبے کو بحال کیا ہے۔g
