لاہور ( این این آئی)پاکستان انڈسٹریل اینڈ ٹریڈرز ایسوسی ایشنز فرنٹ نے ملک بھرلوڈ شیڈنگ ختم کرنے کا خیر مقدم کرتے ہوئے کہا ہے کہ بجلی کی چو ری روکنے کے لئے بھی اقدامات کئے جائیں اور اس سلسلے میں موئثر قانون سازی کی جائے ۔یہاں صنعتکاروں کے ایک وفد سے ملاقات کے دوران پیاف کے چیئر مین عرفان اقبال شیخ

نے کہا حکومت کے بجلی چوری وکنے کے اقدام سے تمام دستیاب وسائل انڈسٹری کو منتقل ہوں گے اورصنعتیں اپنی کیپیسیٹی کے مطابق کام کر سکیں گی ۔ بجلی چوری کے نتیجے میں ملک کو نا صرف سالانہ ابوں روپے کا نقصان پہنچتا ہے بلکہ توانائی کا بحران مزید سنگین ہو جا تا ہے اور اس نقصان کو ریگولر صارفین سے پورا کیا جاتا ہے جو باقاعدگی سے اپنا بل ادا کرتے ہیں

جو پیداواری لاگت میں اضافے کا باعث بنتا ہے۔ عرفان اقبال شیخ نے کہا کہ ملکی صنعت کے لیے مہنگی بجلی کے ساتھ چلنا محال ہے۔پیداواری شعبہ مقابلے کی دوڑ سے باہر ہوتا جا رہا ہے- سیئنر وائس چیئر مین پیاف تنویر احمد صوفی اور خواجہ شاہزیب اکرم نے کہا کہ ضرورت اس امر کی ہے کہ بجلی کی چو ری روکنے کے لئے ایک ایسا جامع لائحہ عمل اورقانون سازی کو یقینی بنانے کے لئے راست اقدامات کئے جائیں اور بجلی چوری کے خلاف

کاروائیوں کے دائرہ کار کو وسیع کیا جائے، اس کے مثبت نتائج بر آمد ہوں گے اور اس سے بجلی کے بحران پر قابو پانے میں خاطر خواہ مدد ملے گی۔انھوں نے مزیدکہا ہے کہ ایک طرف بجلی کی چوری بڑھتی جارہی ہے جبکہ دوسری طرف بجلی کے گردشی قرضے566ارب کی بلند ترین سطح پر پہنچ چکے ہیں جس کے باعث بجلی کی لوڈ شیڈنگ میں اضافہ عوام کیلئے پریشان کن ہے ۔

موضوعات:پیاف