اسلام آباد(آئی این پی )پاک فضائیہ کا ایک C-130 طیارہ رائل ائیر فورس بیس فئیر فورڈ(برطانیہ) پہنچ گیا۔ائیر شو کے اس سال کا تھیم “اکیسویں صدی پارٹنرشپ “ہے۔ No-21اسکواڈرن سے تعلق رکھنے والا یہ طیارہ Concours D’ Elegance ٹرافی کے مقابلے کے لئے رائل انٹر نیشنل ٹیٹو شو میں شرکت کر رہا ہے جو عام عوام کے لئے 14جولائی سے 17جولائی تک کھلا رہے گا۔
پاک فضائیہ کے C-130طیارے نے گزشتہ سال یہ ٹرافی جیتی تھی ۔پاک فضائیہ کے آفیسروں اور ائیرمین پر مشتمل ایک دستہ اس بین الاقوامی شو میں حصہ لے رہا ہے۔رائل انٹرنیشنل ائیر ٹیٹو شو دنیا کا بہترین شو ہے جس میں دنیا کی بہترین فضائیہ کے جدید طیارے شرکت کر رہے ہیں ۔مختلف فضائی افواج ،ائیر اسپیس اور ٹیکنالوجی کی مختلف کمپنیاں اس شو میں حصہ لے رہی ہیں
