بیجنگ (مانیٹرنگ ڈیسک) چین کی سمارٹ فون بنانیوالی معروف کمپنی ہواوے نے آرٹیفیشل انٹیلی جنس فیچرز کے ساتھ نیا فلیگ شپ فون میٹ 9 متعارف کرا دیا۔چین کی اسمارٹ فون بنانے والی معروف کمپنی ہواوے نے اپنا نیا ماڈل فلیگ شپ فون میٹ 9 متعارف کرادیا، جس میں آرٹیفیشل انٹیلی جنس فیچر بھی دستیاب ہے۔چینی کمپنی کا دعویٰ ہے کہ اس فون میں سام سنگ کے گلیکسی ایس 7 اور آئی فون 7 کے معیار کے مطابق تمام فیچرز موجود ہیں، میٹ نائن کی سکرین 5.9 انچ فل ایچ ڈی ڈسپلے جبکہ بیٹری 4000 ایم اے ایچ پاور کی ہے۔کمپنی کے مطابق فنگر پرنٹ سنسر، ڈوئل کیمرہ سسٹم، یو ایس بی ٹائپ سی، 4 جی بی ریم اور ہواوے کا اپنا کیرن 960 پروسیسر جدید ترین سمارٹ فون کا حصہ ہیں، جبکہ میٹل باڈی کے ساتھ، فون کے ڈوئل رئیر کیمرے میں ایک 12 میگا پکسلز کلر سنسر اور دوسرا 20 میگا پکسلز بلیک اینڈ وائٹ سنسر پر مشتمل ہے۔کمپنی کی جانب سے جاری کردہ اعلامیے کے مطابق ہواوے کا 5.9 انچ اسکرین والا میٹ 9 صارفین کو 776 ڈالرز (تقریباً ساڑھے 81 ہزار روپے) کا پڑے گا جو کہ سب سے پہلے یورپی اور ایشیائی ممالک اور اس کے بعد امریکا میں فروخت کیلئے پیش کیا جائے گا۔ہواوے سمارٹ فون کی 400 ارب ڈالر کی مارکیٹ میں ایپل اور سام سنگ کے بعد تیسری بڑی کمپنی بن چکی ہے اور اس کی ڈیوائسز پاکستان میں بھی کافی مقبول ہیں۔

موضوعات:سمارٹ فون کمپنیاں