اسلام آباد (این این آئی)ٹریڈ ڈویلپمنٹ اتھارٹی آف پاکستان (ٹی ڈی اے پی) نے جرمنی کے شہر میونخ میں منعقد ہونے والے چار روزہ عالمی تجارتی میلے ’’آئی ایس پی او‘‘ میں شرکت کے خواہشمند اداروں سے 8 اگست 2016ء تک درخواستیں طلب کی ہیں۔ اتھارٹی کی جانب سے جاری تفصیلات کے مطابق عالمی تجارتی نمائش میں کھیلوں کا سامان، کھیلوں کے ملبوسات، مارشل آرٹ اور دستانے وغیرہ تیار و برآمد کرنے والے ادارے شرکت کے ذریعے اپنی مصنوعات کی عالمی خریداروں کے سامنے نمائش اور کاروباری معاملات طے کر سکیں گے، جس سے قومی برآمدات کے فروغ میں مدد ملے گی۔ یاد رہے کہ عالمی تجارتی میلے کا آغاز 5 فروری 2017ء کو ہو گا جو چار روز جاری رہنے کے بعد 8 فروری 2017ء کو اختتام پذیر ہو گا ۔ اس حوالے سے تفصیلات اتھارٹی کی ویب سائٹ سے بھی حاصل کی جا سکتی ہیں