نیو یارک(نیوز ڈیسک) عالمی سٹاک مارکیٹوں میں گزشتہ روز تیزی کا رجحان رہا ہے کیونکہ عالمی سرمایہ کاروں نے امریکا کی جانب سے مستقبل کی سرمایہ کاری پرحاصل ہونے والے منافع سے استفادہ کرنے کا فیصلہ کیا۔عالمی ذرائع ابلاغ کے مطابق جمعہ کو امریکی سٹاک مارکیٹ میں مسلسل تیسرے روز اضافہ ہوا اسی طرح یورپین سٹاک مارکیٹ میں بھی استحکام رہا۔ پیر س میں سٹاک مارکیٹ کی شرح نمو0.4فیصد جبکہ فرینکفرٹ میں 0.6فیصد ریکارڈ کی گئی۔ یورپین سینٹرل بینک کے ماہر اقتصادیات پیٹر پریٹ نے کہا ہے کہ فرینکفرٹ کا مرکزی بینک شرح سود میں مزید کمی کر سکتا ہے۔