تہران(نیوزڈیسک)تیل کی قیمتیں اب کہاں جائیںگی؟ ایران نے جلد ہی بڑی کھیپ مارکیٹ میں لانے کا دھماکہ خیز اعلان کردیا،ایران کے وزیراقتصادیات علی طیبانیہ نے کہاہے کہ ایرانی حکومت خام تیل کی اپنی پیداوار میں مسلسل اضافے کا سلسلہ جاری رکھے ہوئے ہے،مقامی میڈیا کے مطابق گفتگوکرتے ہوئے ایرن کے وزیر اقتصادیات علی طیبانیہ نے کہا کہ خام تیل کی یومیہ پیداوار دو ملین بیرل تک جلد پہنچ جائے گی۔ گزشتہ برس ایران اور عالمی طاقتوں کے درمیان طے پانے والی جوہری ڈیل کے مو¿ثر ہونے کے بعد رواں سال جنوری سے تہران حکومت نے ملک میں موجود خام تیل کی پیداوار میں اضافے کا سلسلہ شروع کیا تھا۔ ایرانی وزیر کے مطابق ایرانی خام تیل جلد ہی عالمی منڈی میں دستاب ہو گا۔ دوسری جانب عالمی منڈیوں میں تیل کی قیمتوں میں عدم استحکام کا رجحان بھی موجود ہے۔ماہرین نے خدشے کا اظہار کیا ہے کہ اگر ایران بڑی تعداد میں تیل عالمی منڈی میں لے آیا تو تیل کی قیمتوں میں اچانک بہت بڑی کمی آسکتی ہے۔