اسلام آباد (نیوز ڈیسک) وفاقی وزیر پیٹرولیم شاہد خاقان عباسی نے کہا ہے کہ پیٹرول درآمد کرنے والے ممالک میں پاکستان میں پیٹرول کی قیمت سب سے کم ہے۔ تفصیلات کے مطابق وزیر پیٹرولیم کا کہنا تھا کہ ٹیکس بجٹ کی وصولی کے علاوہ کوئی اضافی ٹیکس نہیں لیا اور پٹرول پر جو ٹیکس بجٹ میں لگایا گیا تھا وہ ہی وصول کررہے ہیں۔ انہوں نے کہا کہ پٹرول درآمد کرنیوالے ممالک میں پاکستان میں پٹرول کی قیمت سب سے کم ہے۔ اس ماہ بھارت نے ساڑھے4 پاکستانی روپے پٹرول کی قیمت میں کم کئے جبکہ پاکستان نے ساڑھے 8 روپے پٹرول کی قیمت میں کم کئے۔