لاہور( نیوز ڈیسک) لاہور میں عالمی معیار کی آن لائن ٹیکسی سروس متعارف کروا دی گئی ۔ عالمی کمپنی اوبر نے بہترین سفری سہولیات کیلئے موبائل ایپ سروس متعارف کروا دی جس کی بدولت ایک فون کال سے نئی اور صاف ستھری ٹیکسی گھر پہنچ جائے گیعالمی کمپنی اوبر 70ممالک کے 400شہروں میں کامیابی سے خدمات انجام دے رہی ہے ، ہالینڈ کے دارالحکومت ایمسٹر ڈیم سے شروع ہونے والی اس موبائل ایپ سروس کے ذریعے مسافر کم کرائے میں منزل مقصود میں پہنچ سکتا ہے ۔اوبر موبائل ایپ نہ صرف ٹیکسی ڈرائیورز اور صارفین کو باہمی رابطے میں رکھے گی بلکہ مسافر اپنے عزیز و اقارب کو اپنی متوقع آمدِ و وقت اور روٹ سے بھی باخبر رکھ سکتا ہے ۔مقامی ہوٹل میں پریس کانفرنس کے دوران کمپنی کے عالمی لانچر لوئیڈ کا کہنا تھا کہ اوبر کو لاہور میں شروع کرنے کے حوالے سے وہ پرامید ہیں ۔ کمپنی کو چلانے والے کہتے ہیں کہ وہ لاہوریوں کو بہترین آرادم دہ سروس کامیابی سے فراہم کریں گے۔