لاہور(نیوزڈیسک)چین کا ایگزم بنک اورنج لائن میٹرو ٹرین پراجیکٹ کیلئے 162ارب روپے فراہم کرے گا جبکہ اپنے ایک ٹویٹ میں وزیر اعلیٰ پنجاب محمد شہباز شریف کا کہنا ہے کہ آج میری زندگی کا اہم ترین دن ہے۔ پنجاب حکومت کی جانب سے تصدیق کر دی گئی ہے کہ چین کے ایگزم بنک نے اورنج لائن میٹروٹرین پراجیکٹ کے لئے فنڈز فراہم کرے گا۔ ایگزم بنک مذکورہ منصوبے کے لیے 162ارب روپے فراہم کرے گا جس کی ادائیگی منصوبے کی تعمیر کے دوران جاری رہے گی جبکہ ترجمان پنجاب حکومت زعیم قادری نے بھی ایگزم بنک چائنہ کی جانب سے اورنج لائن کے لیے فنڈز کی فراہمی کی تصدیق کرتے ہوئے اسے خوش آئند قرار دیا ہے۔