کراچی (نیوزڈیسک)چین مہربان،سعودی عرب اورامریکہ نے ہاتھ کھینچ لئے،سٹیٹ بینک کا انکشاف، پاکستان میں چینی کمپنیوں کی سرمایہ کاری بڑھ گئی۔ اسٹیٹ بینک کے مطابق رواں مالی سال کے 7 ماہ میں بیرونی سرمایہ کاری کا حجم صرف 81 کروڑ 58 ڈالر رہ گیا، گزشتہ سال اس دوران بیرونی سرمایہ کاری کی مالیت ایک ارب 75 کروڑ ڈالر تھی۔ اس دوران چینی کمپنیوں نے 40 کروڑ 90 لاکھ ڈالر کی براہ راست سرمایہ کاری کی جبکہ امریکہ نے 8 کروڑ 65 لاکھ ڈالر اور سعودی عرب نے 7 کروڑ 44 لاکھ ڈالر نکال لئے۔ اسٹیٹ بینک کے مطابق جولائی 2015ءسے جنوری 2016ءکے دوران براہ راست بیرونی سرمایہ کاری میں ساڑھے 4 فیصد اضافہ ہوا اور اس کی مالیت 64 کروڑ 79 لاکھ ڈالر رہی۔ اس دوران اسٹاک مارکیٹس میں 47 کروڑ 95 لاکھ ڈالر سرمایہ کاری کی گئی۔