کراچی(نیوزڈیسک)بیرون ملک مقیم پاکستانیوں نے نیا ریکارڈ قائم کردیا،رواں مالی سال کے سات ماہ کے دوران سمندر پار پاکستانیوں کی جانب سے وطن بھیجی جانے والی رقوم میں 6فیصد اضافہ ریکارڈ کیا گیا ہے۔اسٹیٹ بینک کے مطابق جولائی 2015ءتا جنوری 2016 ءکے دوران بیرون ملک مقیم پاکستانیوں نے 11 ارب 20 کروڑ ڈالر وطن بھیجے ہیں جو گزشتہ سال کے اسی عرصے سے 6 فیصد زیادہ ہیں۔خلیجی عرب ممالک کے بعد امریکا اور برطانیہ سے سب زیادہ رقم وطن پہنچی ہیں۔ توقع ہے کہ رواں مالی سال ملک آنے والی ترسیلات 19ارب ڈالر سے تجاوز کر جائیں گی۔