کراچی(نیوزڈیسک)100 بھی نہیں300 بھی نہیں 500بھی نہیں 800سو بھی نہیںبلکہ سونے کی ایک ہی وقت میں بہت بڑی چھلانگ،صرف ایک روز میں سونے کی فی تولہ قیمت میں 1100 روپے کا اضافہ ریکارڈ کیا گیا۔ سونے کی فی تولہ قیمت 1100 روپے اضافے سے 48 ہزار 200 روپے ہو گئی ہے جبکہ 10 گرام سونا 943 روپے اضافے سے 41 ہزار 314 روپے کا ہو گیا ہے۔ دوسری جانب بین الاقوامی مارکیٹ میں سونے کی فی اونس قیمت 10 ماہ کی بلند ترین سطح 1227 ڈالر پر پہنچ گئی ہے۔ماہرین کا کہنا ہے کہ چین اور بھارتی سرمایہ کاروں کی جانب سے سونے کی خریداری میں دلچسپی اور شرح سود میں اضافے کی توقعات کی خبروں کے باعث بھی سونے کی قیمت میں اضافے کا رجحان پایا جاتا ہے۔