ماسکو(نیوزڈیسک)کراچی سے لاہور تک ایل این جی پائپ لائن کی تعمیر دو تین ماہ میں شروع کی جائے گی۔تعمیراتی روسی کارپوریشن’روس تیک‘ کے سربراہ سرگئی چیمیزوو نے اعلان کردیا۔ روسی خبر رساں ادارے کے مطابق اس وقت پائپ لائن منصوبے میں روس کے ساتھ تعاون کرنے والے ممکنہ شرکائے کار کے ساتھ مذاکرات جاری ہیں۔ انہوں نے کراچی سے لاہور تک ایل این جی پائپ لائن منصوبے کی مالیت بتانے سے گریز کیا اور کہا کہ حتمی مالیت حتمی اندازے لگائے جانے کے بعد ہی بتائی جا سکے گی۔کراچی سے لاہور تک ایل این جی پائپ لائن منصوبہ روس پاک معاشی تعاون کی تاریخ میں سب سے بڑا مشترکہ منصوبہ ہے۔