اسلام آباد (نیوز ڈیسک) پاک سوزوکی موٹرز کمپنی لمیٹڈ نے گاڑیوں کی قیمت میں پانچ ہزار سے لے کر پندرہ ہزار روپے کا اضافہ کر دیا۔ پاک سوزوکی موٹرز کمپنی لمیٹڈ کے ترجمان نے اپنے ایک بیان میں کہا کہ کمپنی کی جانب سے 800 سی سی گاڑیوں کی قیمت پانچ ہزار جبکہ 1000 سی سی کار کی قیمت میں 10ہزار روپے اور 1300 سی سی گاڑیوں کی قیمت میں 15 ہزار روپے کا اضافہ کیا جو یکم جنوری 2016ء سے نافذ العمل ہے۔ انہوں نے کہا کہ گاڑیوں کی قیمت میں اضافہ سی کے ڈی کٹس کی درآمدات پر ایک فیصد اضافی ڈیوٹی کے نفاذ کی وجہ سے کیا گیا ہے۔