کراچی (نیوز ڈیسک)صرافہ مارکیٹ میں سونے کی قیمتوں میں تیزی کا رجحان رہا۔ بدھ کو سونا تیزابی فی 10 گرام اور فی تولہ کے بھاﺅ میں بالترتیب 43 روپے اور 50 روپے کا اضافہ ہوگیا۔ آل سندھ صراف ایسوسی ایشن کے مطابق صرافہ مارکیٹوں میں سونا تیزابی فی 10 گرام گذشتہ کاروباری روز کی قیمت 39 ہزار 85 روپے سے بڑھ کر 39 ہزار 128 روپے اور فی تولہ کے بھاﺅ 45 ہزار 600 روپے سے بڑھ کر 45 ہزار 650 روپے ہو گئی۔ بین الاقوامی مارکیٹ میں سونے کی قیمت 4 ڈالر کے اضافہ سے 1 ہزار 117 ڈالر فی اونس پر بند ہوئی۔ مقامی مارکیٹوں میں 22 قیراط سونے کی قیمت 35 ہزار 901 روپے ریکارڈ کی گئی۔ صراف ایسوسی ایشن نے مزید بتایا کہ چاندی تیزابی فی 10 گرام گذشتہ کاروباری روز کی قیمت 548.57 روپے اور فی تولہ کی قیمت 640 روپے پر مستحکم رہی جبکہ بین الاقوامی مارکیٹ میں چاندی فی 10 گرام کی قیمت 14.41 ڈالر پر بند ہوئی۔‎