دمام(نیوزڈیسک ) چور سعودی عرب میں واقع ایئر لائن کے دفتر سے ہزاروں ریال لے کر فرار ہو گئے۔پی آئی اے ذرائع کے مطابق سعودی عرب کے شہر دمام میں واقع قومی ایئر لائن کے دفتر میں 3 سے زائد چور داخل ہوئے اور تجوریوں میں رکھے ہوئے ہزاروں ریال ساتھ لے گئے۔ ذرائع کا کہنا ہے کہ چوری ہونے والی رقم کا اندازہ لگایا جا رہا ہے کہ چور تجوریوں سے کتنے ریال ساتھ لے کر گئے۔دمام کے پولیس اسٹیشن میں پی آئی اے کی مدعیت میں مقدمہ درج کرلیا گیا ہے ٗ پولیس کی جانب سے واقعہ کی تحقیقات بھی شروع کر دی گئی ہے۔