لاہور+ اسلام آباد(نیوزڈیسک) بجلی اور گیس کی لوڈشیڈنگ گذشتہ روز بھی جاری رہی جس کے باعث لوگوں کو مشکلات کا سامنا کرنا پڑا گیس کی بندش کے باعث گھروں میں چولہے ٹھنڈے رہے جس پر لوگ سراپا احتجاج بنے رہے جبکہ سوئی ناردرن گیس پائپ لائنز لمیٹڈ نے کہا ہے کہ گھریلو صارفین صبح ساڑھے 6 سے صبح ساڑھے 8 بجے اور شام ساڑھے 6 سے ساڑھے 8 بجے تک کھانا تیار کر لیا کریں۔ سوئی ناردرن گیس پائپ لائنز لمیٹڈ نے کہا ہے کہ کہ گھریلو صارفین صبح ساڑھے 6سے صبح ساڑھے 8بجے اور شام ساڑھے 6سے ساڑھے 8بجے تک کھانا تیار کر لیا کریں تاکہ انہیں گیس پریشر میں کمی کے باعث کسی مشکل کا سامنا نہ کرنا پڑے۔ دوسری جانب کمپنی نے گیس کی بچت، پریشر میں کمی کو روکنے اور طلب و رسد میں عدم توازن ختم کرنے کےلئے گھریلو صارفین کو کونیکل بیفلز کی فراہمی کا آغاز کر دیا ہے۔ سوئی ناردرن گیس کے ترجمان نے بتایا کہ کونیکل بیفل واٹر گیزرز میں لگوا کر گیس کی بہت زیادہ بچت کی جا سکتی ہے۔ علاوہ ازیں لاہور سمیت کئی شہروں میں بجلی کی بندش گزشتہ روز بھی جاری رہی جبکہ کئی علاقوں میں پانی کی بھی قلت رہی۔