کراچی(نیوزڈیسک) ملکی زرمبادلہ کے ذخائر میں10کروڑ21لاکھ ڈالر کی کمی ریکارڈ کی گئی جبکہ سرکاری زرمبادلہ کے ذخائر کی سطح بھی15ارب ڈالر کی سطح سے گر گئی۔اسٹیٹ بینک آف پاکستان کی جاری کردہ رپورٹ کے مطابق 23اکتوبر کو اختتام پذیر ہونے والے ہفتے کے دوران ملکی زرمبادلہ کے ذخائر19ارب92کروڑ8لاکھ ڈالر سے گھٹ کر19ارب81کروڑ87لاکھ ڈالر کی سطح پر آگئے۔ اس دوران مرکزی بینک کے ذخائر 10 کروڑ 14لاکھ ڈالر کمی سے15ارب1کروڑ97لاکھ ڈالر سے کم ہوکر 14ارب91 کروڑ83لاکھ ڈالر جبکہ کمرشل بینکوں کے ذخائر7لاکھ ڈالر کمی سے4ارب90کروڑ11لاکھ ڈالر سے گھٹ کر4ارب90 کروڑ4لاکھ ڈالر کی سطح پر ریکارڈ کئے گئے۔