اسلام آباد(نیوز ڈیسک) پی آ ئی اے نے اپنی بیرون ملک پروازوں کے کرایوں میں 20 سے 30 فیصد کمی کر دی ہے۔ایئرلائن ترجمان کے مطابق پاکستان سے نیو یارک ٹورنٹو پیرس برطانیہ میلان کوپن ہیگن بیجنگ اوسلو کوالالمپور اور متحدہ عرب امارات کی پروازوں میں اکانومی کلاس کے کرایوں میں 20 فیصد اور بزنس کلاس کرایوں میں 30 فیصد رعایت کی گئی ہے۔ وہ مسافر جو 3 ستمبر سے 25 ستمبر کے دوران ٹکٹ خریدیں گے وہ اس رعایت سے فائدہ اٹھا سکتے ہیں۔ ان رعائتی ٹکٹوں پر مسافر یکم اکتوبر سے 30 نومبر 2015 کے دوران سفر کر سکیں گے۔