کراچی(نیوزڈیسک)پاکستان معیشت مزید مستحکم، ایک اورسنگ میل عبور،پاکستان کے زرمبادلہ کے ذخائر 18 ارب 50 کروڑ 87 لاکھ ڈالر ہو گئے۔ مرکزی بینک سے جمعرات کو جاری کردہ اعداد و شمار کے مطابق پاکستان کے زرمبادلہ کے ذخائر 21 اگست 2015ءکو اختتام پذیر ہونے والے ہفتہ کے دوران 18 ارب 50 کروڑ 87 لاکھ ڈالر ہو گئے، ان ذخائر میں سے 13 ارب 45 کروڑ 84 لاکھ ڈالر اسٹیٹ بینک آف پاکستان کے پاس جبکہ 5 ارب 5 کروڑ 3 لاکھ ڈالر دیگر بینکوں کے پاس ہیں۔ اعداد و شمار میں مزید بتایا گیا ہے کہ 21 اگست 2015ءکو اختتام پذیر ہونے والے ہفتہ کے دوران اسٹیٹ بینک آف پاکستان کے ذخائر 15 کروڑ 70 لاکھ ڈالر کی کمی سے13 ارب 45 کروڑ 80 لاکھ ڈالر ہو گئے جو کہ گذشتہ ہفتہ کے دوران 13 ارب 61 کروڑ 50 لاکھ ڈالر تھے۔ متذکرہ ہفتہ کے دوران مرکزی بینک نے بیرونی قرضوں کی مد میں 9 کروڑ 40 لاکھ ڈالر کی ادائیگی بھی کی۔