کراچی(نیوز ڈیسک) گذشتہ ماہ کے دوران سیمنٹ کی مجموعی فروخت میں 33 فیصد کمی ریکارڈ کی گئی ،جولائی میں 21 لاکھ 90ہزار ٹن سیمنٹ فروخت کی گئی۔رمضان المبارک میں تعمیراتی سرگرمیوں میں کمی اور جنوبی افریقی مارکیٹ میں پاکستانی سیمنٹ کے معیار پر تحفظات کی وجہ سے سیمنٹ کی فروخت دباﺅ کا شکار رہی، رواں مالی سال جولائی میں سیمنٹ کی مجموعی فروخت 33 فیصد کمی سے 21لاکھ 90 ہزار ٹن رہی،گذشتہ ماہ مقامی فروخت 36 فیصد کم ہو کر17 لاکھ 40ہزار ٹن پر آگئی، برآمدات 17 فیصد کم ہوکر چار لاکھ 99 ہزار ٹن ریکارڈ کی گئی۔ ماہرین کا کہنا ہے کہ ملک میں جاری سیلاب کے باعث رواں ماہ بھی سیمنٹ کی فروخت میں کمی کا خدشہ ہے۔