کراچی(نیوزڈیسک) آئندہ مالی سال بجٹ میں کپاس اور سوتی دھاگے پر 5فیصد سیلز ٹیکس عائد کئے جانے کا امکان ہے۔ برآمدکنندگان کا کہنا ہے فیصلے سے ٹیکسٹائل سیکٹر کی مشکلات میں مزید اضافہ ہوگا۔ سرکاری ذرائع کے مطابق حکومت بجٹ 2015-16ئ میں کپاس،سوتی دھاگے، فیبرکس اور گارمنٹس پر 5فیصد سیلز ٹیکس کے نفاذ پر غور کر رہی ہے جس سے حکومت کو 50ارب روپے حاصل ہونگے، جبکہ دوسری جانب فیڈرل بورڈ آف ریونیو نے پانچ اہم ملکی برآمدی شعبے ٹیکسٹائل، چمڑہ، آلات جراحی، گارمنٹس اور کھیلوں کے سامان تیار کرنےوالی صنعتوں کو بجلی اور گیس کی فراہمی پر بھی 5فیصد سیلز ٹیکس عائد کئے جانے کی تجویز دی ہے۔ برآمدکنندگان کا کہنا ہے کہ توانائی بحران اور دیگر مسائل کے باعث ٹیکسٹائل برآمدات میں سالانہ بنیاد پر 16فیصد کمی ہوئی ہے، اگر حکومت نے اس طرح کے اقدامات کئے تو ٹیکسٹائل شعبے کی مشکلات میں مزید اضافہ ہوگا