لندن(نیوزڈیسک)برطانوی اخبار نے اپنی رپورٹ میں خبردار کیا گیا ہے کہ اگر دنیانے زیرزمین ایندھن کے تمام ذخیرے استعمال کرلئے، تو کئی شہر پانی میں ڈوب جائیں گے۔برطانوی اخبار دی انڈیپنڈینٹ نے لکھا کہ اگر دنیا نے زیرزمین موجود تیل کے تمام ذخائر جلادیئے تو لندن نیویارک ہانگ کانگ اور ٹوکیو سمیت کئی شہر پانی میں ڈوب جائیں گے۔ محققین کے مطابق زیر زمین موجود کوئلے، تیل اور گیس کے تمام ذخائر جلادئےجائیں تو عالمی درجہ حرارت اپنی انتہا کو جاپہنچے گا اور انٹارکٹک آئس شیٹ پگھل جائےگی نتیجتاً سمندر کی سطح ساٹھ میٹر تک بلند ہوگی اور دنیا بھر میں ایک ارب سے زائد لوگوں کے گھر پانی میں ڈوب جائیں گے۔انٹارکٹک آئس شیٹ کے جس حصہ پر سب سے زیادہ توجہ مرکوز رکھی جاتی ہے وہ مغرب میں واقع ہے اور وہاں برف کے پگھلنے کا عمل زیادہ ہے۔ یہ پہلی تحقیق ہے جو ظاہر کررہی ہے کہ مغربی انٹارکٹک آئس شیٹ پر مغربی ہی نہیں بلکہ مشرقی حصے بھی ایندھن کے جلنے کے اثر ات ہوتے ہیں۔پروفیسر اینڈرز لیورمین کے مطابق انٹارکٹک آئس شیٹ پر پہلے ہی برف پگھلنے کا عمل بہت زیادہ ہے تاہم اگر ہم ٹوکیو ¾ہانگ کانگ، شنگھائی، کلکتہ، ہیمبرگ، اور نیویارک کو اپنے ثقافتی ورثے کے طور پر قائم رکھنا چاہتے ہیں تو ہمیں ایسٹ انٹارکٹیکا پر بھی توجہ دینا ہوگی۔