اسلام آباد (نیوزڈیسک)اسلام آباد میں گزشتہ روز گرفتار مبینہ 5 دہشتگردوں کی شناخت ہو گئی ہے، ان دہشتگردوں کا تعلق سوات کی کالعدم تنظیم سے ہے۔اسلام آباد سے گرفتار 5 مبینہ دہشتگردوں کا تعلق کالعدم تنظیم سوات سے نکلا، برآمد ہونے والا خطرناک کیمیکل ،تفتیشی ادارے حیران،لیبارٹری ٹیسٹ کیلئے بھجوا دیا گیا ہے، اس کیمیکل کے برآمد ہو جانے سے جڑواں شہروں کے باسی کسی بڑے سانحے سے بچ گئے ہیں۔گزشتہ روز اسلام آباد کے علاقے ترنول سے گرفتار ہونے والے مبینہ دہشتگردوں کا تعلق سوات کی کالعدم تنظیم سے ہے۔ ذرائع نے بتایا ہے کہ گرفتار افراد میں سلیمان رحمٰن، منظور احمد اور شہر یار مالا کنڈ ایجنسی کا، احمد دیار سوات کا جبکہ شاہ فیصل مہمند ایجنسی کا رہائشی ہے۔ مبینہ دہشتگردوں سے ملنے والا خطرناک کیمکل لیبارٹری ٹیسٹ کیلئے بھیج دیا گیا ہے، دہشتگردوں کے قبضے سے 190 کلو گرام بارودی مواد، ڈیٹونیٹرز اور بھاری اسلحہ برآمد ہوا تھا۔