بھکر(ن لائن)ڈپٹی کمشنر ڈاکٹر نور محمد اعوان اچانک بغیر سٹاف کے بی ایچ یو برکت والا پہنچے۔ ڈیوٹی پر موجود چوکیدار خود کو ڈیوٹی ڈاکٹر ظاہر کرتا رہا اور بتایا کہ میں یہاں ڈاکٹر تعینات ہوں ۔ڈپٹی کمشنر کا اپنا تعارف کرانے پر اور حاضری رجسٹر چیک کرنے پر انکشاف ہوا
کہ موصوف ڈاکٹر نہیں بلکہ بی ایچ یو میں چوکیدار ہیں جس پر ڈپٹی کمشنر ڈاکٹر نور محمد اعوان نے فوری ایکشن لیتے ہوئے چوکیدار کو معطل کردیا مزید تفصیلات بتاتے ہوئے چوکیدار کا کہنا تھا کہ یہاں کوئی ڈیوٹی پر نہیں آتا اور نا فیلڈ سٹاف ویکسی نیٹر آتے ہیں جبکہ بی ایچ یو کا تمام تر ریکارڈ نامکمل تھا جس پر ڈپٹی کمشنر ڈاکٹر نور محمد اعوان نے سی ای او ہیلتھ اور متعلقہ بی ایچ یو انتظامیہ کو ریکارڈ سمیت کل صبح اپنے دفتر طلب کرلیا ۔ڈپٹی کمشنر کے دورہ کے دوران ایل ایچ وی موقع پر موجود تھی اور تمام تر اسکی ڈیوٹی حاضری مکمل تھی جس پر ڈپٹی کمشنر ڈاکٹر نور محمد اعوان نے ایل ایچ وی کو بہترین فرائض کی ادائیگی پر شاباش دی ۔ڈپٹی کمشنر نے مزید کہا کہ ضلع کے ہیلتھ سیکٹر میں چھپی ہوئی ان چند کالی بھیڑوں کا جلد ضلع سے صفایا کیا جائے گا۔ اس ضمن میں بعض ہیلتھ افسران کو ضلع سے سرینڈر کئے جانے کے قوی امکان ہیں
