کراچی(این این آئی)ملکی زرمبادلہ ذخائر میں 62ملین ڈالر کا اضافہ ہوگیا، اسٹیٹ بینک کے ڈپازٹس بڑھ گئے جبکہ کمرشل بینکوں کے ڈپازٹس میں کمی ہوئی۔مرکزی بینک سے جاری اعداد و شمار کے مطابق پاکستان کے زر مبادلہ ذخائر میں مجموعی طور پر 62 ملین ڈالر کا اضافہ ہوگیا، جس کے بعد مجموعی ذخائر 8ارب 72کروڑ 65 لاکھ ڈالر ہوگئے۔رپورٹ کے مطابق اسٹیٹ بینک کے ذخائر 66 ملین(6 کروڑ 60لاکھ(ڈالر اضافے سے 3.25 ارب ڈالر ہوگئے۔رپورٹ میں بتایا گیا ہے کہ کمرشل بینکوں کے ذخائر میں 4 کروڑ ڈالر کی کمی واقع ہوئی جس کے بعد ذخائر 5 ارب 47 کروڑ ڈالر کی سطح پر آگئے۔