کولمبو (این این آئی)سری لنکا میں بجلی کے نرخوں میں 275 فیصد اضافہ کردیا گیا جس سے عوام کی مشکلات میں اضافہ ہوگیا۔غیرملکی خبررساں ادارے کے مطابق سری لنکا کے وزیر توانائی نے صحافیوں سے گفتگو کرتے ہوئے کہا کہ آئی ایم ایف شرائط کے مطابق بجلی کے چارجز میں دوبارہ اضافہ کرنا پڑا۔انہوں نے کہا کہ بجلی کی قیمتیں برقرار رکھنے کے لیے خزانے سے ہینڈ آٹ حاصل نہیں کرسکتے۔وزیر توانائی نے کہا کہ اخراجات پورے کرنے کے لیے ریونیو پیدا کرنے کی ضرورت ہے۔سری لنکن وزیر نے کہا کہ آمدنی میں اضافے سے بجلی کے لییضروری ایندھن خریدنے کے قابل ہوں گے۔غیرملکی خبر ایجنسی کے مطابق سری لنکا میں بجلی کے نرخوں میں 6 ماہ قبل 264 فیصد اضافہ کیا گیا تھا۔رپورٹس کے مطابق سری لنکن حکومت آئی ایم ایف کے ساتھ ریسکیو پیکج کو حتمی شکل دینے کے قریب ہے۔