کراچی (این این آئی)سابق ویسٹ انڈین کرکٹر اور گلوکار ڈیوائن براوو المعروف ڈی جے براوو ایک مرتبہ پھر پی ایس ایل میں کوئٹہ گلیڈی ایٹرز کا آفیشل گیت گائیں گے۔ ٹوئٹر پر جاری ویڈیو پیغام میں ڈی جے براوو نے اعلان کیا کہ وہ پی ایس ایل 8 میں ایک مرتبہ پھر

فرنچائز کا گانا گائیں گے۔براوو نے فی الحال گانا ریلیز ہونے کی تاریخ تو نہیں بتائی تاہم انہوں نے بتایا کہ گانا جلد مداحوں کے لیے پیش کردیا جائیگا۔اس سے قبل 2019 میں بھی براوو نے کوئٹہ کیلئے ’’وی دی گلیڈی ایٹرز‘‘گایا تھا جسے کافی پذیرائی ملی تھی، اس سال سرفراز احمد کی کپتانی میں کوئٹہ نے سیزن جیتا تھا جبکہ براوو بھی چیمپئن ٹیم کا حصہ تھے۔ ٹیم میں محمد نواز، افتخار احمد، جیسن رائے، محمد حسنین، سرفراز احمد (کپتان)، نوین الحق، عمر اکمل، وِل اسمیڈ، ونندو ہسارنگا، ، نسیم شاہ، اوڈین اسمتھ، احسن علی، عمید آصف، محمد زاہد، عبدالبنگل زئی، ایمل خان، مارٹن گپٹل، عمیر بن یوسف شامل تھے ۔واضح رہے کہ کوئٹہ کی ٹیم اپنا افتتاحی میچ 15 فروری کو ملتان سلطانز کے خلاف ملتان میں کھیلے گی۔