اسلام آباد(این این آئی)پاکستان تحریک انصاف کے رہنما شفقت محمود نے تصدیق کی ہے کہ پرویز الہٰی یوں ہی عمران خان کے ساتھ نہیں کھڑے ہوئے، انہوں نے اس حمایت کے بدلے پنجاب میں صوبائی اسمبلی کی 30اور قومی اسمبلی کی 15نشستوں پر ایڈجسٹمنٹ مانگی ہے۔شفقت محمود نے ق لیگ کی جانب سے 45سیٹوں پر ایڈجسٹمنٹ کے مذاکرات کی تصدیق کردی ہے۔نجی ٹی وی سے گفتگو میں شفقت محمود نے کہاکہ ق لیگ نے جن45نشستوں پر سیٹ ایڈجسٹمنٹ کا مطالبہ کیا ہے ان کی تعداد میں رد و بدل ہوسکتا ہے۔شفقت محمود نیجمعے کو پنجاب اسمبلی ٹوٹنے کے امکانات کو بھی مسترد کردیا اور کہا کہ اگر تحریک اعتماد نہ آتی تو اسمبلی جمعے کو ٹوٹ جاتی، اب پہلے تحاریک کے معاملے طے ہوں گے، پھر اسمبلی توڑنے کی باری آئے گی۔