لاہور(این این آئی)مسلم لیگ (ن)کی قیادت نے پنجاب اسمبلی کے اپوزیشن لیڈر حمزہ شہباز کو جلد پاکستان پہنچنے کی ہدایت کی ہے۔ ذرائع کے مطابق مسلم لیگ نواز کی قیادت کی جانب سے چند گھنٹوں کے سابق وزیراعلی پنجاب حمزہ شہباز کو اگلے 48 گھنٹوں میں پاکستان پہنچنے کی ہدایت کردی گئی ہے۔پارٹی ذرائع کے مطابق اپوزیشن لیڈر صوبائی اسمبلی اس وقت بیرون ملک گئے ہوئے ہیں، انہیں پنجاب میں وزارت اعلیٰ دینے کیلئے فوری وطن پہنچنے کا کہا گیا ہے۔خیال رہے کہ وفاقی وزیر داخلہ رانا ثنا اللہ نے کہا تھا کہ چار بجے کے بعد پرویز الٰہی وزیراعلی نہیں رہیں گے۔وزیر داخلہ نے پنجاب کی وزارت اعلی سے متعلق کہا تھا کہ پرویز الٰہی کے جانے کے بعد ہمارے وزیر اعلی حمزہ شہباز ہوں گے۔