پتوکی (این این آئی ) پتوکی موٹر وے بائی پاس پر شدید دھند کے باعث ٹیوٹا ہائی ایس الٹ گئی حادثے میں11 افرادمرد،خواتین شدید زخمی جبکہ خاتون سمیت 3 افراد جاںبحق ریسکیو 1122 کی ٹیم نے موقع پر پہنچ کرزخمیوں گورنمنٹ ہسپتال پتوکی منتقل کردیا ۔

صبح سویرے ٹیوٹا نمبری LWN#0965 پر ایک ہی فیملی کے مرد ،خواتین افراد سوار ہوکر لاہور سے اوکاڑہ جارہے تھے موٹر وے بائی پاس پر شدید دھند کے باعث ٹیوٹا ہائی ایس پتوکی موٹر وے بائی پاس پربھونیکی موڑ کے قریب الٹ گئی واقع کی اطلاع ملتے ریسیکو 4 ایمبولینسز 1 فائر وہیکل اور 1 ریسیکو وہیکل موقع پر پہنچ گئی ریسکیو 1122ٹیم نے زخمیوں کو طبی امداد دیتے ہوئے اور نعشوں کو تحصیل ہیڈ کوارٹر ہسپتال پتوکی منتقل کردیا ،زخمیوں میں یاسر ،عبدالباسط، نسرین ، افضل، عاشق ، اشرف، ممتاز، سمینہ، اکرم، شاہد ،عبدالرزاق سمیت دیگر شامل ہیں اورجان بحق ہونے والوں میں اشرف، اسلم ،رانی بی بی شامل ہیں۔