لاہور( این این آئی) پاکستان تحریک انصاف کے چیئرمین عمران خان سے ملتان ضلع کے ارکان قومی وصوبائی اسمبلی کی ملاقات کی اندرونی کہانی سامنے آگئی جس میں اکثریت نے 23دسمبر کو اسمبلی تحلیل کرنے پر تحفظات کا اظہار کیا ۔نجی ٹی وی کے مطابق پارٹی چیئرمین سے گفتگو کرتے ہوئے اراکین نے کہا کہ اگر نگران سیٹ اپ کو طویل کرلیا گیا تو ہمیں انتقامی کارروائیوں کا نشانہ بنایا جائے گا۔عمران خان نے ارکان اسمبلی کو تسلی دیتے ہوئے کہا کہ آپ لوگوں کو پریشان ہونے کی ضرورت نہیں،عام انتخابات ہی ملک بچانے کا حل ہے،اسمبلیاں تحلیل ہونے سے پی ڈی ایم کو خوفزدہ ہونا چاہیے آپ کو خوفزدہ ہونے کی ضرورت نہیں۔انہوں نے کہا کہ پرویز الٰہی کی اپنی پارٹی ہے اور ان کا اپنا موقف ہے، مگر وہ ہمارے ساتھ ہیں، معاشی استحکام کیلئے سیاسی استحکام ضروری ہے۔