اسلام آباد (مانیٹرنگ ڈیسک/آن لائن)فرانس کے اسٹار فٹبالر امباپے نے 56 سال بعد کسی ورلڈ کپ فائنل میں ہیٹ ٹرک کا اعزاز حاصل کرلیا۔تفصیلات کے مطابق گزشتہ روز فٹبال ورلڈکپ 2022 کے فائنل میں ارجنٹینا نے دفاعی چیمپئن فرانس کو
شکست دے کر یورپ کی 16 سالہ اجارہ داری ختم کرتے ہوئے تیسری بار ورلڈکپ جیتا۔ دوسری جانب فیفا ورلڈ کپ 2022ء کا فائنل میچ میسی اور امباپے کا دو طرفہ مقابلہ بن گیا۔ پہلے میسی نے پنالٹی پر گول کیا، تو ایم باپے نے بھی پنالٹی پر گول کیا، اور پھر ایک اور خوب صورت گول کر کے ارجنٹینا سے مقابلہ برابر کر دیا۔اضافی وقت میں میسی نے ٹیم کا تیسرا گول کیا تو ایم باپے نے بھی نہلے پر دہلا مار کر تیسرا گول کر کے ہیٹ ٹرک مکمل کر لی۔پنالٹی میں بھی ایم باپے نے گول کیا، جب کہ میسی نے بھی گول کیا۔فٹبال ورلڈکپ کے فائنل میچ میں میسی نے 3 اور ایم باپے نے 4 گول کیے، باقی ٹیم ایم باپے کا ساتھ نہ دے سکی۔یاد رہے کہ فرانس کو پنالٹیز پر شکست دے کر ارجنٹینا تیسری مرتبہ فٹبال کا عالمی چمپئن بن گیا ہے۔
