لاہور( این این آئی)وزیراعظم شہباز شریف اور پاکستان پیپلز پارٹی پارلیمنٹرینز کے سربراہ آصف علی زرداری کی ملاقات کی اندرونی کہانی سامنے آگئی۔ذرائع کا کہنا ہے کہ آصف زرداری اور وزیراعظم شہباز شریف نے چوہدری شجاعت سے رابطے بڑھانے پر اتفاق کیا ہے اورپنجاب اسمبلی کی تحلیل روکنے کا ٹاسک چوہدری شجاعت کو دینے پر اتفاق کیا ہے۔ذرائع کے مطابق ملاقات میں چوہدری شجاعت کے گرین سگنل تک پرویز الٰہی سے رابطہ نہ کرنے پر اتفاق کیا گیا ہے۔ذرائع کا کہنا ہے کہ وزیراعظم شہباز شریف اور آصف زرداری نے صورتحال پر گہری نظر رکھنے کا فیصلہ کیا ہے۔

موضوعات:شہباز شریف