اسلام آباد(مانیٹرنگ ڈیسک)پاکستان کرکٹ ٹیم کے سینئر پلیئرز کو سکیورٹی کے حکام نے ہوٹل سے نکلنے سے روکا جس پر کچھ کھلاڑی ناراض ہوگئے۔نجی ٹی وی جیو نیوز کےذرائع کے مطابق گزشتہ شب ایس ایس یو حکام نے پلیئرز کو ڈنر پر جانے سے روکا،پاکستان کرکٹ بورڈ (پی سی بی) کی جانب سے پلیئرز کو باہر کھانے کی اجازت ہے۔ذرائع کا کہنا ہے کہ پلیئرز فیملی کے ساتھ گاڑیوں میں انتظار کرتے رہے لیکن کلیئرنس نہ دی گئی،چالیس منٹ بعد آدھوں کو جانے کی اجازت دی جب کہ چند کو روکے رکھا۔ذرائع کے مطابق تمام پلیئرز رویے پر ناراض ہوکر واپس کمروں میں چلے گئے۔