رحیم یار خان (این این آئی)رحیم یار خان میں بینظیر انکم سپورٹ پروگرام کے وظیفے میں کمی پر خواجہ سراؤں کی جانب سے مرغا بن کر احتجاج ریکارڈ کرایا گیا۔میڈیا رپورٹ کے مطابق وظیفے میں کمی پر رحیم یار خان میں خواجہ سراؤں نے مرغا بن کر احتجاج ریکارڈ کرایا۔خواجہ سراؤں نے کہا کہ حکومت نے ہمارے وظیفے کی رقم 12 ہزار سے کم کرکے 7ہزار کر دی، 150 سے زائد رجسٹرڈ خواجہ سراؤں میں صرف 15کو وظیفے کے لیے اہل کیا گیا۔خواجہ سرا مظاہرین کا کہنا تھا کہ 7ہزار روپے کی رقم اونٹ کے منہ میں زیرے کے برابر ہے، چیئرمین بینظیر انکم سپورٹ پروگرام شازیہ مری سے اپیل ہے کہ تمام خواجہ سراؤں کو رجسٹر کر کے پوری رقم ادا کی جائے۔

موضوعات:بینظیر انکم سپورٹ پروگرام