لاہور (آن لائن) وزیراعلیٰ پنجاب چودھری پرویز الٰہی کے دست راست اور سابق پرنسپل سیکرٹری ٹو وزیراعلیٰ پنجاب محمد خان بھٹی نے اپنے آبائی شہر سے تعلق رکھنے والے افسران کو نوازنے کیلئے تمام حدیں عبور کر لیں۔ بتایا گیا ہے کہ محمد خان بھٹی نے اپنی مدت ملازمت کے دوران سرکاری گھروں کی الاٹمنٹ کی مد میں 100 سے زائد ڈائریکٹو جاری کئے گئے۔ جاری کئے گئے ڈائریکٹوز میں سب سے زیادہ حافظ آباد، گجرات اور تلہ گنگ سے تعلق رکھنے والے ملازمین کو نوازا گیا جنہیں سرکاری گھروں کی آئوٹ آف وے الاٹمنٹ کی گئی جبکہ گھروں کی الاٹمنٹ کے سلسلے میں سنیارٹی پر آنے والے افسران کو پس پشت ڈال دیا۔