اسلام آباد(آن لائن)وزیراعظم شہباز شریف کا عوام کو بڑا ریلیف پیکج دینے کا فیصلہ کیا ہے۔ذرائع کے مطابق وزیراعظم نے عوام کی مہنگائی کے پیش نظر خصوصی پیکج کی تیاری کی ہدایت کردی،عوام کو سابق حکومت نے مہنگائی کی چکی میں پیسا، ہم نے انہیں ریلیف دینا ہے،

وزیراعظم کی نوجوانوں کے لئے بھی خصوصی پیکیج تیار کرنے کی ہدایت کی ہے۔وزیراعظم نے نوجوانوں کو روزگار فراہمی پیکج کی تیاری کے لئے وزارتوں کو ٹاسک دے دیا، وزیراعظم نے وزراء کو ہدایت کی ہے کہ مہنگائی سے عوام کے ریلیف اور نوجوانوں کو روزگار کی فراہمی پیکج کی اولین ترجیح رکھی جائے، وزیراعظم شہباز شریف نے جمعہ کو وزیر اعظم ہاؤس میں منعقدہ اہم اجلاس میں وزراء کو ہدایات جاری کیں۔وزیراعظم نے کہاکہ انتہاپسندی، مایوسی، نفرت سے بچا کر نوجوانوں کو مثبت، تعمیری سرگرمیوں کی طرف لانا ہے۔معاشی مشکلات اپنی جگہ لیکن عوام کی توقعات پر پورا اترنا ہے وزیراعظم کی گیس اور بجلی کے بلوں میں بھی ریلیف کے اقدامات تجویز کرنے کی بھی ہدایت کی ہے۔پیکج کی تیاری کے لئے وسائل کی فراہمی اور ایڈجسٹمنٹ کے لئے وزیر خزانہ کو وزیراعظم کی خصوصی ہدایت کر دی۔