نئی دہلی (آن لائن)بھارتی ٹی وی اداکارہ وینا کپورکو ان کے ہی بیٹے نے مار کر لاش دریا میں پھینک دی۔بھارتی میڈیا رپورٹس کے مطابق وینا کپور کے دو بیٹے ہیں، بڑا بیٹا امریکا میں رہتا ہے سینئیر اداکارہ ممبئی میں واقع جے وی پی ٹی اسکیم میں واقع ایک فلیٹ میں

چھوٹے بیٹے کے ساتھ رہتی تھیں۔بڑے بیٹے کا کئی روز سے والدہ سے فون بند ہونے کی وجہ سے رابطہ نہیں ہوسکا۔جس پر اس نے ہاؤسنگ سوسائٹی کے چوکیدار سے رابطہ کیا۔ چوکیدار نے یہ بھی کہا کہ اس نے بھی اسے کچھ دنوں سے نہیں دیکھا۔اس کے بعد بیٹے نے ممبئی کے جوہو پولیس اسٹیشن میں والدہ کے لاپتہ ہونے کی شکایت درج کرائی۔ جس پر پولیس نے تفتیش شروع کردی۔جانچ کے دوران سی سی ٹی وی فوٹیج میں وینا کپور کا چھوٹا بیٹا سچن اور اس کا نوکر لالو کو فریج کا ایک خالی ڈبہ اٹھا کر لے جاتے ہوئے دیکھا گیا۔ پولیس نے سچن سے تفتیش شروع کی تو اس نے اپنی ماں کے قتل کا اعتراف کرلیا۔ممبئی پولیس نے بتایا کہ وینا کپور جس فلیٹ میں رہتی تھیں اس کی مالیت بھارتی کرنسی میں 12 کروڑ روپے (30 کروڑ پاکستانی روپے) تھی۔ فلیٹ کے لیے بیٹے نے اسے قتل کر کے لاش گھر سے 90 کلومیٹر دور جنگل میں دریا میں پھینک دی۔ لاش کو جنگل میں لے جانے کے لیے فریج کا ڈبہ استعمال کیا گیا۔پولیس نے سچن اور اس کے گھریلو ملازم کو گرفتار کرکے لاش جنگل میں دریا کے کنارے سے برآمد کرلی۔